قـالـولـي حـبـيبـك جـفـا .. قـلت الـي يـحـب يـعـود
قـالـولـي ضـاع الـوفـا .. قـلـت الـوفـا مـوجـود
قـالـولـي أتـرك حـبـيـبـك .. تـرى حـبـه والـلـه خـطـر
قـلـت أمـــوت لــجـله .. ولا يـمـوت قــلــبـي قـــهـــر
هل تسامح انسان جرح قلبك ومشاعرك ؟
هل تغفر له وتنسى الماضي المؤلم وتبدأ معه من جديد ؟
أم ترده وتقفل بابك عنه ؟
14 comments:
صباح الخير
سؤال وايد مهم لأن الواحد يمر بمواقف مثل هذي و ما يدري شنو يسوي
أولاً يعتمد علي الشخص نفسه و على معزته بقلبي
وثانياً يعتمد على حسب الجرح و مدى تأثيره علي
و أنا عن نفسي أنسى بسرعه و أتسامح
اول شي الف الف مبروك على اول صفحه لج
الكشكول جدامج كبير ويبي من الجهد الكبير
وبعدين سؤالج حلو وانطلاقه حلوة ماشالله
عليج ، انا بالنسبه لي اجابتي راح
تعتمد على حجم الاساءة
ممكن اسامحه،ولكن البدايه من جديد وبحذر
وراح يكون فيها تحفظ وايد ، و الوقت
كفيل لاظهار حسن النوايا
وممكن يكون الرفض ووضح حد نهائي
هو الاسلم اذا كان على حساب
الكرامه و كان هناك نيه مبطنه
وتعمد للأهانه
وتسلمين انشالله
:)
صعب يا هش ... فأنا لالا أنسى وبالتالي لا أسامح ... وأقفل بابي عنه
طبعا أنا هنا أتكلم عن جرح عميق ومن أنسان قريب من فلبي
مدونه جميلة وموضوع شيق .. حياك الله في عالم المدونات
:)
physio-80
كلامك صحيح .. وأنا أعتقد أن اللي يسامح ينام وباله مرتاح
حياك الله في مدونتي
:)
solaiman
الله يبارك فيك أخوي سليمان
:)
أدري أن كشكولي فاضي ,, وبمساعدتك ومساعدة المدونيين وهمتي راح نترسه أنشاء الله ,, أشوة أن سؤالي أعجبك وردة فعلك والمعلقين تسرني وتعطيني دافع وتشجيع ,, وأنا شاكرة لكم
:)
صح أتفق معاك أن التسامح يأتي بقدر الجرح ,, أذا كان الجرح سطحي قد نسامح ونغفر ,, ولكن أذا كان الجرح غائر وعميق صعب المغفرة ,, وحتى أذا حصل على المغفرة ,, الجرح الغائر يترك أثر لا يختفي
وسلم من قال ,, حياك الله وسعيده بتعليقك
:)
dilli o milli
لاه لاه لاه ,,, ليش !؟ ماعندج مجال للمغفرة !!؟ مو شكلج !! هههههه
أدري بتقولين أشعرفج فيني ؟ ههههه ... أنا قارئه قديمه وبلوقر يديده ,, شخصيتك في مدونتك تعطي الطيبه ,, وخفة الدم وأعتقد مثل هالشخصية مو راكب عليها عدم المغفرة للأنسان اللي غلط بحقج !؟
ولا شرايج؟
:)
حياج الله ,, وسعيدة بمرورك
:)
ممكن ان اقفل بابه...وابتعد عن حياته
لكن تبقى العشره والذكريات الجميله تحوم بين ناظري لتذكرني بأيام مضت
لأستنشق عبيرها واعود اشتاق لها من جديد
يبقى الوفاء اعمق من عمق الجرح الذي تركه وراءه
عن نفسي سأسامح...لانني اكره ان احمل في قلبي لمن احب كرها..وهو الذي اهداني عمراً
ما كرهت اللي يعادوني .. بجي و اكره حبيبي ؟!
ايه جارحني و كاسر خاطري ..لكن احبه ؟!
سالفة قلب
عين العقل أختي سالفة ,,, نظل نذكر الأيام الحلوة اللي بينا ,,, والأنسان غير معصوم عن الخطأ ,,, وأذا ياني تائب ليش ما أسامحه !؟ أن الله كان رحيماً غفورا ,,, لكن أذا عاد نفس الغلطة ,, ذيك الساعه لا توجد مغفرة
حياج الله أختي سالفة ,,, وسعيدة بمرورك وتعليقكِ
:)
ايييييه
السؤال قمت قلبى قبل لا اجاوبه تدرين ليش
لانى بسامح لانى غبيه الله يسلمج
عندى قلبى فيه نسبة غباء عاليه
انا انسى واسامح وارد انكفخ وارد اسامح
كله على حساب نفسى وصحتى
وايد اى على نفسى انا عشان غيرى
مع ان عقلى يرفض هالشى
والعقل يقول غلط وادرى ان غلط
وادرى انى الغلطانه بالنهايه
بس انسى
انسى
وتلاقينى ارد
:(
بس بينى وبينج يعتمد
يعتمد على صاحب الجرح
اذا من صديق او من قريب
او حبيب
فى فرق
فى ناس مثل الاهل والقرايب ما تقدرين اتصدين واتحاربين لان بتلاقينهم
هذول اهلج
فالى يصير انى اتحفظ
اخذ موقف واكون حذره
الحبيب الرجل اذا جرحنى فمان الله
العله بالصديق
هذى العله
:/
charisma
يا قلبي يا كاريزما ,, هذا وااايد !! يعني تنجرحين كم مرة وبعدين تسامحين كم مرة !! بهذي الطريقة تسمحين لهم بتكرار الغلط لأنهم يدرون انج راح تسامحينهم !! والمسلسل لن ينتهي !!ء
الصديق وما أدراك ما الصديق ,, هنا تكمن المشكلة ,,, صعب تهجرين وصعب تغفرين ,,, والأمر متروك للقلب
يارب دووم أحبابك يزييد حبهم لك ,, وعسى ما يحوشج جرح منهم ,, ولا تشوفيين فراق
سعيدة بتعليقك ,, وحياك الله
:)
قد أسامح ولكنني لا أنسى...وهذا داء صعب على صاحبه، أقصد عدم النسيان
وطبعاً يعتمد على نوعية الجرح وعمقه
يعني مثلاً فعلة الراشد والصقر لا تنسى ولو بالطبل البلدي، والا اشرايج؟؟
:)
white wings
أنا معاج كل ما كان الجرح أعمق كل ما كان صعب النسيان
ههههههه ,,, فعلة الراشد والصقر سببت جرح عميق جداً أستوجب دخولنا العنايه المزكزة ,,, والى الأن نحن لم نخرج منهاااا !! فلاااا لن تُغتفر لهم هذة الفعلة
حياك الله ,, زارتنا البركه
:)
شدي حيلج يا كسلانه،تأخرتي
:)
اردها واقفل بابي و دريشتي عنها
Post a Comment